aenigmata

[Medicus domesticus]

Salvete amici Latine loquentes!

Iterum propono aenigma imagine expressum. Spectate hanc imaginem:



Qua de re agitur?
Quis vestrum rem investigabit?

Optime valete!

[consus]

Primo quidem aspectu, mi Medice, res videtur esse clíbanus fictilis, quo in vase panes coquebantur.

[Medicus domesticus]

Erras, mi Conse.......sed Petronius noster Arbiter scribit verbum in libro suo praeclaro , quod per indicium fortasse rem eniuntare possit......:

Petronius 31:
...Tegebant asellum duae lances, in quarum marginibus nomen Trimalchionis inscriptum erat et argenti pondus. Ponticuli etiam ferruminati sustinebant glires melle ac papavere sparsos. Fuerunt et tomacula supra craticulam argenteam ferventia posita et infra craticulam Syriaca pruna cum granis Punici mali....

[romane]

vas ad siccanda poma aptum ?

[Medicus domesticus]

Doleo, quod erras, mi Romane....
Sunt cibi delicati Romanorum, qui in vase....
Vas quaesitum vidi Monachii in expositione "Luxus und Dekadenz 2009" ...

[Tiberis]

salve, mi Medice!

nonne vas illud, cum glires in eo contineantur, glirarium appellatur ?
http://www.culturacampania.rai.it/site/en-gb/Cultural_Heritage/Museums/Scheda/Main_works/works/antiquarium_boscoreale_glirario.html?UrlScheda=antiquarium_of_boscoreale_

vale!

[Medicus domesticus]

Medicus Tiberi s.d.p.

Rem recte [*] investigasti, gratulor tibi
Ut legere possitis in libro "Satyrica", glires erant cibi delicati Romanorum, qui glires quasi educabant in tali vase.
Vale!

[*]
http://penelope.uchicago.edu/Thayer/E/R ... arium.html

[consus]

Consus amicis suis sal.
Admiror et aenigma a Medico nostro tam excellenter propositum et Tiberim nostrum, qui insolitum sane vasculi illius fictilis nomen acutissime invenerit. Ita est: semper aliquid addiscimus. Nonne iuvat legere, quid Varro in tertio Rerum Rusticarum scripserit (cap. 15)? Quod vero ad cenam gliribus paratam pertinet, nihil aliud dico nisi “Bene sit vobis…!”
Curate ut valeatis.

[Tiberis]

Tiberis amicis suis s.d.p.

Vidimus hic Christi cunabula, vidimus urbe

hac dominum nostrum, qui crucifixus erat.

quae urbs ?

[romane]

Roma

[Tiberis]

eheu, iterum verba mea nimis incerta atque ambigua esse videntur!

ergo distichon supra scriptum paululum mutavi:

vidimus hic Christi cunabula, mortis et horam
atrocem nostri vidimus hic domini.

ne nimis obscuri illi versus vobis videantur, alterum addo distichon..

ante fuit, qui scriberet hanc Christum in regionem

non venisse umquam. at vidimus: ille aderat.

qua in urbe ?

[Apollonios]

Aquisgrano in urbe vidimus et picturam titulo ecce homo, a Guilelmo Kueppere (Will Küpper) pictore, et, in ecclesia Sanctae Mariae, sacrum quod dicitur incunabula Iesu.

[consus]

Obscuris Tiberis verbis nos torquet et angit.

Consilio careo - mens mea torta dolet.

[Tiberis]

erras, mea Apo, quod doleo. sed respice, quaeso, alterum distichon, quod primo adiunxi . cuius verbis cogitatis facile invenies Christum non in ullo museo, sed in urbe ipsa visum esse...

[Tiberis]

Obscuris Tiberis verbis nos torquet et angit.

quod absit !