de criceti nomine :3

[ille ego qui]

teste Georgesio "Hamster" Latine est "mus cricetus".
ego autem demiror, unde illud nomen ductum sit. quis vestrum me plus scit hac de re?

valete pancratice!

[consus]

Inspexi, optime Ille, indicem vocabulorum Italicorum qui inscribitur Zingarelli Vocabolario della lingua italiana (Bononiae MCMLXX):

Cricèto … [boemo křeček, … ] s. m. Piccolo mammifero dei Roditori con corpo tozzo …

křeček > cricetus (Lat.) > criceto (Ital.): Verbum novatum originis Bohemicae ut videtur…

[ille ego qui]

benigne!

[Laptop]

Haec invenimus, «Cricetus, ein hamſter, ſi credimus Albtero magno. g m d ij.» (Murmellius, Pappa puerorum)

[consus]

Haec invenimus, «Cricetus, ein hamſter, ſi credimus Alberto magno. g m d ij.» (Murmellius, Pappa puerorum)

"si credimus Alberto Magno": parum diligenter dictum, optime Murmelli! Constat quidem a Doctore illo Universali opus compositum esse de animalibus, sed hercle! quonam loco de "criceto" dicitur scripsisse? Ingens in Patrologia numerus est voluminum, quibus Alberti Magni opera continentur. Deest mihi tempus ad omnia pervolitanda...

[Medicus domesticus]

"Cricetus" invenitur apud Albertum Magnum in libris suis de animalibus. Indicium inveni in libro, qui appellatur "Mittellateinisches Wörterbuch":
http://books.google.de/books?id=d5qQG_D ... us&f=false
--> animal. 22,47: Cricetus, ut dicunt, animal est parvulum in antris in terra habitans..

[consus]

Cricetus, ut dicunt, animal est parvulum in antris in terra habitans

Haec Alberti verba, quod valde dolendum est, nullam fere vim habent ad explicandum etymon vocis 'criceti' eiusque originem. Quid ergo? Proximum vero videtur esse, ut iam scripsi, verbum aetate quae vocatur media nescio qua via ductum esse a verbo Bohemico ‘křeček’*.
______________________________________________________________________________
*> >„Hamster“ vermutlich bereits aus dem Altslawischen (Aslaw. „choměstor’“; tsch. jetzt „křeček“)< <(cf. http://www.phil.muni.cz/german/mediaev/histsem/dt-tsch-HS.htm)
[Obiter dictum: Bohem. křeč = spasmus (!)]

[Zythophilus]

Mihi "comesoris" in mentem uenit. Etiam id animal multum comedere uidetur.

[consus]

Mihi "comesoris" in mentem uenit. Etiam id animal multum comedere uidetur.

Nomen ingeniosissime excogitatum, amice! Utinam usu recipiatur! choměstor > comesor.