Salvete!
Me, obsecro vos atque imploro, adiuvate imprudentem inscientem ignarum omnium ferme rerum quae ad fidem pertinent.
Legi in libro quodam* (qui studium valde excitat propter argumenti (mihi saltem) inauditam novitatem) hoc:
"and the Virgin Mary (it is worth recalling that the Virgin was remembered not only as the mother of God but as the poet of the "Magnificat", and an authority on the life of Christ)" (p. CDXXIa)
In calce paginae, id est inter adnotationes explicationesve leguntur haec:
"Apart from being the author of the "Magnificat" Mary also has an important place in Christian literature as a source and, hence, as an authority. It was understood by the exegetes that she subsquently [sic!] became the teacher of the Evangelists, especially Luke and John, who was her adopted son (John 19:26)."
Hoc non facile credidi, Mariam docuisse Ioannem Lucamve.
Adhibui igitur atque evolvi sacros qui dicuntur libros. En quae legi:
(J 19,25 et capitula duo quae sequuntur):
"Stabant autem iuxta crucem Iesu mater eius, et soror matris eius, Maria Cleophae, et Maria Magdalene. Cum vidisset ergo Iesus matrem, et discipulum stantem, quem diligebat, dicit matri suae: Mulier ecce filius tuus. Deinde dicit discipulo: Ecce mater tua. Et ex illa hora accepit eam discipulus in sua."
Etsi non satis bene video quis sit ille "dilectus" a Iesu, non puto esse illum qui Iesu vitam litteris mandavit Ioannem; immo mihi persuasum est discipulum eius nominis esse Ioannem, qui est Iacobi frater (cf. Mt, 10,2)
Quid vobis videtur?
Valete!
M.
_______________________________
* Stevenson, Jane, Women Latin poets : language, gender, and authority, from antiquity to the eighteenth century (Oxford University Press, 2008)